हेटौँडाः हेटौँडामा जारी १५ वर्ष उमेर समूह (यु–१५) को फुटबल प्रतियोगितामा हेटौँडा–१२ को रियल स्टार फुटबल क्लब फाइनलमा प्रवेश गरेको छ । आइतबार बिहान पिप्ले क्याम्पा रंगशालामा सम्पन्न पहिलो सेमीफाइनल खेलमा हेटौँडा–१५ को न्यू डाँफे फुटबल क्लबलाई टाइब्रेकरमा पराजित गर्दै रियल स्टार फाइनल प्रवेश गरेको हो ।
निर्धारित समय गोलरहित बराबरीमा सकिएपछि खेल टाइब्रेकरमा पुगेको थियो । टाइब्रेकरमा रियल स्टारले २–१ गोलअन्तरमा न्यू डाँफेलाई पराजित गरेको हो । अहिले दोस्रो सेमीफाइनल खेल हेटौँडा–८ को देवनगर फुटबल क्लब र चितवनको गैरीबारी फुटबल एकेडेमीबीच भइरहेको छ । पिप्ले युवा क्लबको आयोजनामा भएको प्रतियोगिताको फाइनल खेल आइतबार दिउँसो ३ बजे हुनेछ ।
सच्याइएकोः यसअघि फरक फोटो पोष्ट भएकोमा सच्याइएको छ ।
