हेटौडाः परिवारकै सदस्यबाट मारिएकी हेटौंडा–४, गर्दोईकी सुस्मिता क्षेत्रीको नाममा स्थानीयले सुस्मिताको घर नजिकैको चोकको नाम सुस्मिता चोक राखेका छन् । स्थानीयवासीको अग्रसरतामा सुस्मिताको घर नजिकैको चोकको नाम शनिबार सुस्मिता चोक नामाकरण गर्दै बोर्ड राखिएको छ । सुस्मिता हत्याकाण्डमा दोषीलाई कारवाहीको माग गर्दै स्थानीयले प्रदर्शन गर्नुका साथै स्थानीय प्रशासन र प्रहरीलाई दबाव दिँदै आएका छन् । मकवानपुर जिल्ला अदालतले बुधबार सुस्मिताको हत्यामा संलग्न रहेको अभियोग लागेका ससुरा प्रकाश थापा, सासु तुलसा थापा, नन्दहरु दुर्गा थापा र सीता थापालाई थुनामै राखेर अनुसन्धान गर्न आदेश दिएको छ ।
