हेटौँडाः लागूऔषध गाँजासहित एकजनालाई मकवानपुर प्रहरीले पक्राउ गरेको छ । बुधबार बिहान ३ बजेर ४५ मिनेटको समयमा मकवानपुरको भीमफेदी गाउँपालिका–२, भैंसेस्थित प्रहरी चेकपोष्टमा पालुङबाट हेटौँडातर्फ आउँदै गरेको प्र. न. ३–०१–०२३ च ८०४७ नम्बरको योद्धा गाडीबाट ३० वटा पोकामा १६० किलो गाँजा बरामद गरेको प्रहरीले जनाएको छ ।
प्रहरीले चालक गोरखा जिल्लाको भिमसेन थापा गाउँपालिका–६ का २८ वर्षीय अमीर मियालाई नियन्त्रणमा लिएको छ । प्रहरीले थप अनुसन्धान गरिरहेको जनाएको छ । यसअघि प्रहरीले सोमबार दिउँसो पूर्वपश्चिम राजमार्गअन्तर्गत हेटौँडा–१९, तीनताप्केबाट ७१ किलो ७०० ग्राम लागूऔषध गाँजासहित २ जनालाई नियन्त्रणमा लिएको थियो भने आइतबार पनि प्रहरीले मनहरी गाउँपालिकाबाट १० किलो २५० ग्राम गाँजासहित एकजनालाई पक्राउ गरेको थियो ।
