हेटौँडाः धादिङ जिल्लाको बेनिघाट रोराङ गाउँपालिका–३, डार्केफाँटमा बोलेरोको ठक्करबाट एक बालिकाको मृत्यु भएको छ । सोमबार दिउँसो १ बजेर ४५ मिनेटको समयमा ताल्तीबाट मलेखुतर्फ आउँदै गरेको बा २० च १९९९ नम्बरको बोलेरोले ठक्कर दिँदा २ जना घाइते भएको बागमती प्रदेश प्रहरी कार्यालय हेटौँडाले जानकारी दिएको छ ।
बोलेरोको ठक्करबाट रोराङ गाउँपालिका–२ बस्ने १७ वर्षीया प्रशंसा मिजार र १९ वर्षीया अनिषा मिजार घाइते भएका थिए । घाइते दुवैलाई उपचारका लागि शिक्षण अस्पताल मलेखु लगिएकोमा दिउँसो २ बजेर ५ मिनेटको समयमा अनिषालाई डाक्टरले मृत घोषणा गरेको प्रहरीले जनाएको छ । घाइते प्रशंसालाई काठमाडौंस्थित बिएण्डबि अस्पताल रिफर गरिएको छ । दुवै जना बालिका रोराङ गाउँपालिका–३ रिचोकटार स्थित बागेशवरी माध्यामिक विद्यालयको कक्षा ९ मा अध्ययनरत विद्यार्थी हुन् । बोलेरो चालक ४० वर्षीय गोपि बहादुर ठकुरीलाई प्रहरीले नियन्त्रणमा लिएको छ ।
