हेटौँडाः मकवानपुको थाहा नगरपालिका–४, शिखरकोटमा एक नवजात शिशु फेला परेको छ । मंगलबार बेलुका ७ बजेको समयमा सार्वजनिक ट्वाइलेट नजिकै रहेको झाडीमा अन्दाजी २० दिनको जस्तो देखिने नबजात शिशु (बालक) फेला परेको बागमती प्रदेश प्रहरी कार्यालय हेटौँडाले जानकारी दिएको छ ।
स्थानिय मार्फत जानकारी प्राप्त हुनासाथ इलाका प्रहरी कार्यालय पालुङबाटप्रहरी टोली खटि गई बच्चालाई उद्दार गरी प्राथमिक स्वास्थ्य केन्द्र पालुङमा सुक्षित राखिएको छ । बच्चा जन्माई फाल्ने झापाको लक्ष्मीपुर अर्जुनधारा नगरपालिका–६ घर भई हाल काठमाण्डौमा कोठा लिई बस्ने २८ वर्षीय मेनुका धिताल अधिकारीलाई थाहा नगरपालिका–४, धारापानीबाट नियन्त्रणमा लिई थप अनुसनधान गरिरहेको प्रहरीले जनाएको छ ।
