हेटौँडाः पूर्व–पश्चिम राजमार्गअन्तर्गत मकवानपुरको मनहरी गाउँपालिका–७, रमनटार समीडाँडामा बस दुर्घटना हुँदा ३५ जना यात्रु घाइते भएका छन् । मंगलबार बिहान ४ बजेको समयमा काठमाडौँबाट महोत्तरी जाँदै गरेको प्रदेश २–०३–००१ ख ३६२९ नम्बरको बस आफैँ अनियन्त्रित भई सडकबाट १० मिटर तल पल्टिँदा दुर्घटना भएको जिल्ला प्रहरी कार्यालय मकवानपुरले जनाएको छ ।
दुर्घटनामा घाइतेमध्ये २८ जनालाई उपचारका लागि पुरानो मेडिकल कलेज भरतपुरमा पठाइएको छ । जसमध्ये १३ जनाको अवस्था मध्यम र १५ सामान्य रहेको जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले जानकारी दिनुभयो । उहाँका अनुसार मनहरी अस्पतालमा तीन जना र हेटौँडा अस्पतालमा चार जना घाइतेको उपचार भइरहेको छ । हेटौँडा अस्पतालमा उपचार गरिरहेको घाइतेको सामान्य उपचार पश्चात् डिस्चार्ज भई गन्तव्य तर्फ गएको प्रहरी जनाएको छ ।
