हेटौँडाः लागुऔषध डाईजेपामसहित एक जनालाई मकवानपुर प्रहरीले पक्राउ गरेको छ । मंगलबार राती ९ बजेर ५ मिनेटको समयमा प्रहरी चौकी रातोमाटेबाट खटिएको प्रहरी टोलीले हेटौँडा–१५, रातोमाटे चेकपोष्टबाट जितपुर जिल्लाको सिमरा उपमहानगरपालिका–१२ का २५ वर्षीय मनोज साहलाई पक्राउ गरेको प्रहरीले जानकारी दिएको छ ।
वीरगंजबाट हेटौँडा तर्फ आउँदै गरेको मधेश प्रदेश ०३–००१ ज ०४३१ नम्बरको यात्रुबाहक ईभी गाडीलाई सुरक्षा जाँच गर्दा गाडीमा सवार साहको साथबाट लागुऔषध डाईजेपाम बरामद गरेको थियो । प्रहरीले साहको साथबाट लागुऔषध डाईजेपाम २५ एम्पुल, फेनार्गन २५ एम्पुल,र नुर्फिन २५ एम्पुल गरी जम्मा ७५ एम्पुल डाईजेपाम बरामद गरेको थियो । लागुऔषधसहित साहलाई नियन्त्रणमा लिई थप अनुसन्धान भई रहेको प्रहरीले जानकारी दिएको छ ।
