हेटौँडाः हेटौँडा–४, पारिजातपथमा मंगलबार साँझ दुईवटा मोटरसाइकल आपसमा ठोक्किएर दुर्घटना भएको छ । दुर्घटनामा परी २ जना गम्भीर घाइते भएका छन् । मंगलबार साँझ ८ बजेको समयमा प्रदेश ३ ००३ ००१ प ३७६४ पल्सर मोटरसाइकल र ना १३ प २२६२ नम्बरको होण्डा युनिकर्न मोटरसाइकल आपसमा ठोक्किएर दुर्घटना भएको हो ।
पल्सर हेटौँडा–६ का रोहन खतिवडा र निष्मा प्रजा सवार थिए भने युनिकर्नमा रौतहट जिल्लाको मौलापुर–८ का शिव पुजन, नितेश र शिव शंकर सवार थिए । घाइते मध्ये २ जनाको अवस्था गम्भीर रहेको र गम्भीर दुईसहित तीन जनालाई उपचारका लागि भरतपुर रेफर गरिएको वडा प्रहरी कार्यालयका प्रमुख प्रहरी निरीक्षक दाताराम अधिकारीले जानकारी दिनुभएको छ ।
