हेटौंडाः मकवानपुरको मनहरी गाउँपालिकामा जारी प्रथम संस्करणको जोन राना मगर स्मृति फुटबल प्रतियोगिताको सेमिफाइनल चरणको दुई खेल वर्षाको कारण प्रभावित भएको छ । शनिबार हुने भनिएको सेमिफाइनल चरणको खेल वर्षाको कारणले प्रभावित भएको हो ।
गाउँपालिकाको वडा नम्बर ६ स्थित जोगिताल खेल मैदानमा पहिलो सेमिफाइनल खेलमा फाइनल प्रवेशका लागि सयपत्री ‘बी’ र रमनटार एफसीबीच प्रतिस्पर्धा भएको थियो । पहिलो हाफसम्मको खेल चलिहरँदा भारी वर्षाको कारणले चौरमा समस्या आएर खेललाई बीचमा स्थगित गर्नुपरेको आयोजक सयपत्री क्लबले जनाएको छ ।
अब सेमिफाइनल चरणको दुबै खेल आज आइतबार हुने बताइएको छ । सेमिफाइनल खेल सम्पन्न भएसँगै प्रतियोगिताको फाइनल प्रतिस्पर्धीको टुंगो लाग्नेछ ।
प्रतियोगिताको उपाधि विजेता टिमले ३० हजार रुपैयाँ नगदसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले १५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछ । यस्तै, विधागत खेलाडीहरु उत्कृष्ट खेलाडी, उत्कृष्ट गोलरक्षक, हाइ स्कोरर, उत्कृष्ट फरवार्डलगायतका खलाडीहरुले २ हजार रुपैयाँ नगद राशिसहित ट्रफी प्राप्त गर्नेछन् ।
