हेटौँडाः हेटौँडा–११, नवलपुरस्थित नवयुवा बचत तथा ऋण सहकारी संस्था लिमिटेडले रक्तदान कार्यक्रम आयोजना गरेको छ । सहकारीको १६ औं स्थापना दिवसको अवसरमा शनिबार हेटौँडा–११, नवलपुरस्थित पिपल चौतारामा आयोजित कार्यक्रममा २८ जनाले रक्तदान गरेका छन् ।
वडाध्यक्ष जुना दाहालले व्लड व्याग हस्तान्तरण गरेर रक्तदान कार्यक्रमको सुरुवात गरिएको थियो । रक्तदान कार्यक्रममा रक्तसञ्चार केन्द्र हेटौँडाले प्राविधिक सहयोग गरेको थियो । यही भदौ २० गते इसाई धर्मावलम्बीहरुले मनहरी गाउँपालिकामा रक्तदान कार्यक्रम आयोजना गरेका छन् । पछिल्लो समय रगतको माग र वितरण बीच सन्तुलन कायम भएको रक्तसञ्चार केन्द्र हेटौँडाका प्रमुख टंक दाहालले जानकारी दिनुभएको छ । पछिल्लो समय रक्तदान कार्यक्रम नियमितरुपमा भइरहेको छ ।
