हेटौँडाः नेपाल प्रगतिशील प्राध्यापक संगठन मकवानपुर बहुमुखी क्याम्पस एकाईको अध्यक्षमा शेखर थपलिया चयन हुनुभएको छ । शनिबार सम्पन्न समितिको आठौं एकाई अधिवेशनबाट थपलियाको नेतृत्वमा क्याम्पस समिति गठन भएको हो । थपलिया दोस्रो कार्यकालका लागि निर्वाचित हुनुभएको हो ।
थपलियाको अध्यक्षतामा ११ सदस्यीय समिति बनेको छ । समितिको उपाध्यक्षमा राजकुमार गौतम, सचिवमा प्रकाश पहाडी, सह–सचिवमा सरोज पौडेल र कोषाध्यक्षमा निरञ्जन सिग्देल चयन हुनुभएको छ । यस्तै सदस्यहरुमा संरक्षिका थापा, मानिषा गौतम, श्याम किशोर साह, रामशरण पौैडेल, प्रदीप उप्रेती र सुरेश रेग्मी चयन हुनुभएको छ । समितिमा दुई जना सदस्य मनोनित हुने नवनिर्वाचित सचिव पहाडीले बताउनुभयो । उहाँका अनुसार समितिले क्याम्पस प्रशासनलाई सहयोग गरी प्राध्यापकहरुको हकहितमा काम गर्नेछ । नयाँ कार्यसमितिको कार्यकाल ३ वर्षको हुनेछ ।
