हेटौँडाः मकवानपुरको मनहरी गाउँपालिका–९, खरङ्गामा एक जना मृत फेला परेका छन् । मृत फेला पर्नेमा मनहरी गाउँपालिका–५, बसन्तपुर बस्ने ६३ वर्षीय शेर बहादुर घलान रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार घलान घरबाट खरङ्गा जान्छु हिँडेकोमा राति अबेरसम्म पनि घर नआए पश्चात ईलाका प्रहरी कार्यालय नेवारपानीमा जानकारी गराएका थिए । जानकारी पश्चात प्रहरी टोलीले खोजी गर्दै जाँदा सोमबार बिहान ९ बजेको समयमा राप्ति खोलामा ढुंगाको बीचमा मृत अवस्थामा फेला परेका थिए ।
