हेटौँडाः शिक्षा विकास तथा समन्वय इकाई मकवानपुरको प्रमुखका रुपमा सुदीप गिरी आउनु भएको छ । इकाईका पूर्वप्रमुख दिनानाथ गौतमको शुक्रबार सरुवा भएपश्चात् आइतबारदेखि गिरी इकाईमा उपस्थित हुनुभएको हो ।
समन्वय इकाईका कर्मचारीले प्रमुख गिरीलाई स्वागत गर्दै इकाईको अवस्थाका बारेमा जानकारी दिराइएको इकाईकी शाखा अधिकृत उन्नति ढकालले जानकारी दिनुभयो । गिरी शिक्षा विकास तथा समन्वय इकाई मनाङबाट मकवानपुरमा सरुवा भएर आउनुभएको हो । त्यसअघि नवलपरासीको शिक्षा विकास तथा समन्वय इकाईमा कार्यरत हुनुहुन्थ्यो । गिरीले इकाईमा सबैसँग समन्वय गर्दै काम गर्ने बताउनुभएको छ ।
इकाईका पूर्वप्रमुख गौतम पाठ्यक्रम विकास केन्द्र सानोठिमी भक्तपुरमा सरुवा भई जानु भएको छ । गौतमले इकाईमा ३१ महिना १० दिन प्रमुखको रुपमा कार्य गर्नुभएको थियो । गौतम नुवाकोटबाट हेटौँडा सरुवा भई आउनुभएको थियो ।
