हेटौँडाः राजनीतिकर्मी तथा लेखक प्रदीप ज्ञवालीलाई श्यामप्रसाद शर्मा स्मृति सम्मान–२०८१ समर्पण गरिने भएको छ । साहित्य संगम मकवानपुरले मंगलबार पत्रकार सम्मेलन गरेर ज्ञवालीलाई सम्मान गर्ने जानकारी गराएको छ । आगामी असार ७ गते हेटौँडामा एक कार्यक्रमका बीच २५ हजार राशीको सम्मानसहित प्रदीप ज्ञवालीको एकल कविता वाचन तथा सांगीतिक कार्यक्रम आयोजना गरिने बताइएको छ ।
हेटौँडा उपमहानगरपालिका ४ नम्बर वडा कार्यालयको सहयोगमा साहित्य संगम मकवानपुरले साहित्यकार श्यामप्रसाद शर्माको स्मृतिमा सम्मान प्रदान गर्दै आएको छ । यसअघि १५ हजार ५ सय ५५ रुपैयाँ राशी रहेको सम्मान यस वर्षदेखि २५ हजार रुपैयाँ पु¥याइएको हो । हेटौँडा–४ स्थित भुटनदेवी माध्यमिक विद्यालय (प्राविधिक शिक्षालय) को सहआयोजना तथा वडा कार्यालयको प्रवद्र्धनमा सम्मान समर्पण एवम् एकल कविता वाचन तथा सांगीतिक कार्यक्रम आयोजना गर्न लागिएको साहित्य संगम मकवानपुरका अध्यक्ष डीबी बर्तौलाले जानकारी दिनुभएको छ ।
कार्यक्रममा प्रदीप ज्ञवालीका कविता साहित्यकार निमेष निखिल र सुवास खनालले पनि वाचन गर्नुहुनेछ भने प्राध्यापक घनश्याम घिमिरेले प्रदीप ज्ञवालीका कवितामाथि समीक्षा गर्नुहुनेछ । कार्यक्रममा प्रदीप ज्ञवालीले रचना गर्नुभएको गीत आशाकाजी श्रेष्ठले गाउनुका साथै स्थानीय श्यामकुमार बानियाँ र पुरुषोत्तम आचार्यले पनि आआफ्ना गीत गाउने कार्यक्रम तय गरिएको छ ।
