हेटौँडाः हेटौँडा–काठमाडौं छोटो मार्गअन्तर्गत मकवानपुरको भीमफेदी गाउँपालिका–६, जुरिखेतमा कार दुर्घटना भएको छ । सडकबाट करिब २ सय ५० मिटर तल कार खस्दा २ जनाको मृत्यु भएको छ भने ३ जना घाइते छन् । घाइतेहरुको अवस्था गम्भीर रहेको प्रहरीले जनाएको छ ।
काठमाडौंबाट हेटौँडातर्फ आउँदै गरेको बा ६ च ९३७९ नम्बरको कार आफैं अनियन्त्रित भई बुधबार दिनको ४ बजेर ३० मिनेटको समयमा दुर्घटना भएको प्रहरीले जनाएको छ । घाइते मध्ये एक बालिका र एक पुरुषको मृत्यु भएको छ भने २ जना महिला र १ जना पुरुष घाइते छन् । उनीहरुको हेटौँडास्थित अस्पतालमा उपचार भइरहेको छ । मृतक तथा घाइतहरुको परिचय खुल्न सकेको छैन ।
