हेटौँडाः पूर्व–पश्चिम राजमार्गअन्तर्गत हेटौँडा–३, तीनताप्केमा म्याजिक भ्यानको ठक्करबाट ५५ बर्षीय श्याम बहादुर बिकको मृत्यु भएको छ । शनिबार राती ८ बजेर ४५ मिनेटको समयमा नेवारपानीबाट लेवटतर्फ जाँदै गरेको ना १ ज ७५६० नम्बरको म्याजिकले हेटौँडा–१२ वनस्पतिका बिकलाई ठक्कर दिँदा गम्भीर घाइते भएका थिए ।
बिकको उपचारको क्रममा हेटौँडा अस्पतालमा शनिबार राती ९ बजेर १५ मिनेटको समयमा मृत्यु भएको प्रहरीले जानकारी दिएको छ । म्याजिक चालक हेटौँडा–३, बसमाडीका २२ वर्षीय अनुज लामालाई प्रहरीले नियन्त्रणमा लिएको जनाएको छ ।
