हेटौँडाः गायक राजनराज शिविकोटीले हेटौँडाका संगीत पारखीलाई नचाएका छन् । भीम विराग संगीत साहित्य कला प्रतिष्ठानको सहयोगार्थ आयोजित राजनराज शिवाकोटीको सांगीतिक साँझमा आफ्ना लोकप्रिय एक दर्जन भन्दा बढी गीत गाएर संगीत पारखीलाई नचाएका हुन् ।
शिवाकोटीले कुटुमाकुटु सुपारी दाना, तिरीमिरी तिरिमिरी तीन तारा, सुर्के थैली खै, पूर्व पश्चिम रेल, चिरबिर चिरबिर चाँचरीलगायत चर्चित गीत गाए । शिवाकोटीलाई केही गीतमा हेटौँडाकै गायिका रञ्जीता सिलवालले साथी दिनुभएको थियो । शिवाकोटीले स्थानीय सन्दर्भ, घटनालाई लिएर गीत रचना गर्ने गरेको बताउनुभयो । शिवाकोटीले आफूलाई प्रत्यक्ष भेटेर भट्ने भन्दा पनि बढी गीतको बोलबाट चिनिने गरेको बताउनुभयो ।
