हेटौँडाः मकवानपुर प्रहरीले हेटौँडा–३, लेवटबाट लागुऔषध गाँजासहित एक जनालाई पक्राउ गरेको छ । शुक्रबार बिहान ५ बजेर ५५ मिनेटको समयमा चेकिङ टोलीले बस्तिपुरबाट हेटौँडातर्फ आउँदै गरेको बागमती प्रदेश ०३–००१ ज ००४६ नम्बरको म्याजिकलाई सुरक्षा जाँच गर्दा १० किलो ४ सय ग्राम लागुऔषध गाँजा बरामद गरेको बागमती प्रदेश प्रहरी कार्यालय हेटौँडाले जानकारी दिएको छ ।
म्याजिकमा कोही सवार नभएका कारण चालक र बरामद गरिएको लागुऔषध गाँजा नियन्त्रणमा लिई थप अनुसन्धानको लागि जिल्ला प्रहरी कार्यालय मकवानपुर लगिएको प्रहरीले जानकारी दिएको छ ।
