हेटौँडाः हेटौँडास्थित महालक्ष्मी विकास बैंकको आयोजनामा रक्तदान कार्यक्रम भएको छ । आईतबार भएको कार्यक्रममा २९ जनाले रक्तदान गरेका छन् ।
बैंकको ३५ औं वार्षिकोत्सवको अवसरमा भएको कार्यक्रममा ३ जना महिला र २६ जना पुरुषले रक्तदान गरेको रक्तसञ्चार केन्द्र हेटौँडाका प्राविधिक किशोर सापकोटाले जानकारी दिनुभयो । बैंकले आइतबार नै हेटौँडासँगै बीरगन्ज, धरान, काठमाडौं, धनगढी, भैरहवा, घोराही र पोखरामा एकसाथ रक्तदान कार्यक्रमको आयोजना गरेको थियो । रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो । यस्तै, बुधबार हेटौँडा–१ मा बुद्ध जयन्तीको अवसरमा रक्तदान कार्यक्रमको आयोजना हुने भएको छ ।
