हेटौँडाः मकवानपुर जिल्ला तेक्वान्दो संघले सिनियर बेल्ट परीक्षा सञ्चालन गरेको छ । नेपाल तेक्वान्दो संघको क्यालेण्डरअनुसार मकवानपुर जिल्लाले सिनियर बेल्ट परीक्षा लिएको हो ।
हेटौँडा उपमहानगरपालिकाका उपप्रमुख राजेश बानियाँको प्रमुख आतिथ्य रहेको कार्यक्रमको सभाध्यक्ष मकवानपुर जिल्ला तेक्वान्दो संघ अध्यक्ष लालकाजीरत्न बज्राचार्य हुनुुहुन्थ्यो । कार्यक्रममा तेक्वान्दो संघका संस्थापक प्रशिक्षक दिलिप राजथला, मकवानपुर जिल्ला खेलकुद विकास समितिका कार्यालय प्रमुख एवम् तेक्वान्दो प्रशिक्षक माधव कोइरालाको विशेष आतिथ्य थियो । कार्यक्रममा संघका सल्लाहकार भीम राउत, राजेश थापा, श्याम कर्माचार्य, ठाकुरनाथ सुवेदी, अमिर डंगोललगायतको आतिथ्य रहेको थियो ।
मकवानपुर जिल्लामा तेक्वान्दो खेलको विकासमा महत्वपूर्ण भूमिका निर्वाह गरेको भन्दै प्रकाश श्रेष्ठलाई दोसल्ला ओढाएर सम्मान गरिएको थियो । तेक्वान्दोका सिनियर प्रशिक्षक मानबहादुर वाईबाले सञ्चालन गर्नुभएको कार्यक्रममा उपाध्यक्ष ओमकुमार लामाले स्वागत मन्तव्य व्यक्त गर्नुभएको थियो ।
