हेटौँडाः उच्च शिक्षा अध्ययनका लागि विदेश जान चाहने विद्यार्थीलाई लक्षित गरी आवश्यक परामर्श र विश्वविद्यालय छनोट तथा भर्नाको प्रक्रियामा सहजीकरण गर्दै आएको क्यालिभर एकेडेमिक एण्ड करियअर एसोसिएसट्सको शाखा हेटौँडामा पनि सञ्चालनमा आएको छ । दुई महिनादेखि अनौपचारिकरुपमा सञ्चालन हुँदै आएको शाखाका सञ्चालकले मंगलबार पत्रकार सम्मेलनमार्फत औपचारिक रुपमा सञ्चालनमा आएको जानकारी गराएको छ ।
क्यालिभरको हेटौँडा शाखाका निर्देशक आशिष दुलालले युरोप, अमेरिका, अष्ट्रेलिया जान चाहने विद्यार्थीलाई आवश्यक सहयोग र सहजीकरण गरिने जानकारी दिनुभयो । पत्रकार सम्मेलनमा क्यालिभर क्यालिभरको काठमाडौंस्थित केन्द्रीय कार्यालयका व्यापार विकास अधिकारी सानु पौडेलले हरेक वर्ष उल्लेख्य संख्यामा विद्यार्थीलाई उच्च शिक्षा अध्ययनका लागि विदेश पठाउन सफल भइरहेको बताउनुभयो । क्यालिभरले अध्ययनका लागि विदेशी विश्वविद्यालय जान चाहने विद्यार्थीलाई सहजीकरण गर्नुका साथै करियर गाइडको काम पनि गरिरहेको जनाएको छ ।
