हेटौँडाः इजरायल र हमासबीचको युद्धको सुरुवाती समयमा इजरालय नै पुगेर समाचार लेखेका मकवानपुरका पत्रकार होम कार्कीलाई नेपाल पत्रकार महासंघले सम्मान गरेको छ । महासंघको २७ औं महाधिवेशनको उद्घाटन समारोहमा शुक्रबार कार्कीलाई सम्मान गरिएको हो । संघीय सरकारकी सूचना तथा सञ्चार मन्त्री रेखा शर्माले कार्कीलाई सम्मानपत्र प्रदान गर्नुभयो ।
नेपाली नागरिकको समेत मृत्यु भएको युद्धमा आम नेपालीको चासो भइरहेका बेला मकवानपुरका होम कार्कीसहित प्रकाशचन्द्र तिमल्सिना र श्याम श्रेष्ठलाई कान्तिपुर मिडिया ग्रुपले द्वन्द्वग्रस्त क्षेत्रमा पठाएको थियो । साहसिक पत्रकारिता गर्दै नेपाली जनतालाई सूचित गराउने भूमिका निर्वाह गरेको भन्दै तीनैजना पत्रकारलाई सम्मान गरिएको हो ।
२०२३ अक्टोबर १३ मा इजरायल पुगेका ३ सदस्यीय पत्रकार १२ दिन द्वन्द्व प्रभावित क्षेत्रमा समाचार संकलन गरेर फर्किएको थियो । इजरायल र हमासबीच अहिले पनि युद्ध जारी छ ।
