हेटौँडाः मकवानपुरको मनहरी गाउँपालिकामा गैंडाको आक्रमणबाट एक जना घाइते भएका छन् । घाइते हुनेमा मनहरी–७ का ३२ वर्षीय रमेश वोटे रहेको जिल्ला प्रहरी कार्यालय मकवानपुरले जनाएको छ ।
सोमबार बिहान ६ बजेर ४५ मिनेटको समयमा आफ्नै खेतमा पानी लगाउन गएका वोटेलाई गैंडाले आक्रमण गरी घाइते बनाएको प्रहरीले जनाएको छ । गैंडाको आक्रमणबाट वोटेको ढाड र अनुहारमा चोट लागेको छ । घाइते वोटेलाई उपचारका लागि मनहरी अस्पतालमा सामान्य उपचारपश्चात थप उपचारका लागि चितवनको भरतपुर अस्पतालमा रिफर गरिएको छ ।
