हेटौँडाः मकवानपुर प्रहरीले लागुऔषध गाँजासहित एक जनालाई पक्राउ गरेको छ । पक्राउ पर्नेमा राक्सिराङ गाउँपालिका–८, कुनाले बस्ने २६ वर्षीय दीपक चेपाङ रहेको जिल्ला प्रहरी कार्यालय मकवानपुरले जानकारी दिएको छ ।
पूर्व–पश्चिम सडकखण्डस्थित हेटौँडा–१५ रातोमाटेस्थित प्रहरी चौकीमा प्रहरीले आइतबार हेटौँडाबाट पथलैयातर्फ जाँदै गरेको ना ७ ख ९०३५ नम्बरको बसमा सवार चेपाङको साथबाट गाँजा फेला परेको हो । बसमा सवार चेपाङलाई शंका लागी सुरक्षाजाँच गर्ने क्रममा झोलामा लुकाई छिपाई राखेको ५ किलो २ सय ग्राम गाँजा फेला पारेको हो । लागुऔषध गाँँजासहित चोपाङलाई नियन्त्रणमा लिई अनुसन्धान कार्य भइरहेको प्रहरीले जनाएको छ ।
