हेटौंडाः हेटौंडा उपमहानगरपालिका वडा नम्बर २ स्थित बालजागृति अङ्ग्रेजी सेकेण्डरी स्कूलको ‘हे ज्ञानकी देवी’ म्युजिक भिडियो सार्वजनिक भएको छ । शनिबार स्कूल सञ्चालक समितिका अध्यक्ष दिनेशप्रसाद भण्डारीको सभाध्यक्ष तथा हेटौंडा–२ का वडाध्यक्ष विष्णुगोपाल महर्जनको प्रमुख आतिथ्यमा एक कार्यक्रमका बीच उक्त म्युजिक भिडियो सार्वजनिक गरिएको हो ।
विद्यालयकी शिक्षिका रजनी पौडेलको रचनां तथा र घनश्याम घिमिरेको संगीत रहेको उक्त म्युजिक भिडियोमा कक्षा १० सम्मका विद्यार्थीहरुले अभिनय गरेका छन् । सोही कार्यक्रममा अन्य तीन वटा म्युजिक भिडियो पनि सार्वजनिक गरिएको छ । घनश्याम ढकालको शब्द, संगीत रहेको ‘जुन मामा जुन मामा’, विद्यालय गीत, घनश्याम ढकाल र मनोज शाहीको संगीत र रजनी पौडेलको रचनामा बनेको बालमैत्री गीत पनि सार्वजनिक गरिएको छ ।
कार्यक्रममा विद्यालयका प्रिन्सिपल विनोद सुवेदी, हेटौंडा–२ का वडा सदस्य इन्द्र रिजाल, हेटौंडा उपमहानगरपालिकाको शिक्षा महाशाखाका अधिकृत रमेश बिडारीलगायतको उपस्थिति रहेको थियो ।
