हेटौँडाः मकवानपुरको मनहरी गाउँपालिका–७, पेन्चेमा प्रहरीले लागुऔषध अफिमसहित एक जनालाई पक्राउ गरेको छ । पक्राउ पर्नेमा २२ वर्षीय विवेक प्रजा रहेको बागममती प्रदेश प्रहरी कार्यालय हेटौँडाले जानकारी दिएको छ ।
बिहीबार राती ९ बजेर ४५ मिनेटको समयमा लागुऔषध अफिम ओसार पसर भइरहेको छ भन्ने विशेष सुचनाको आधारमा खटिएको प्रहरी टोलिले राक्सिराङतर्फबाट आउँदै गरेको वा प्र ०३ ००५प ३१०३ र बा ००३ प ९६४७ नम्बरको दुईवटा मोटरसाइकललाई रोकी नियन्त्रणमा लिन खोज्दा कालो झोला छाडी मोटरसाइकलमा सवार ३ जना फरार भएको र प्रजालाई मात्र पक्राउ गरेका थिए । झोलाबाट प्रहरीले ९ किलो ८ सय २० ग्राम लागुऔषध अफिम बरामद गरेको छ । लागुऔषध अफिमसहित प्रजालाई नियन्त्रणमा लिई अनुसन्धानको लागि जिल्ला प्रहरी कार्यालय मकवानपुर लगिएको र फरार ३ जनाको खोजी कार्य भई रहेको प्रहरीले जानकारी दिएको छ ।
