हेटौंडाः आज बिहान हेटौंडाको बुद्धचोकमा रक्तदान कार्यक्रम भएको छ । कार्यक्रममा २८ जनाले रक्तदान गरेका छन् । रक्तदान गर्नेमा ५ जना महिला रहेका छन् भने २३ जना पुरुष रहेका छन् ।
कार्यक्रम नेपाल स्वयंसेवी रक्तदाता समाज हेटौंडा उपमहानगरपालिका समिति, मकवानपुरले आयोजना गरेको थियो । रक्तदान कार्यक्रममा हेटौंडा उपमहानगरपालिका–१० का वडा अध्यक्ष फुर्वा दोर्जे लामाको प्रमुख आतिथ्य रहेको थियो । कार्यक्रममा लामाले पनि रक्तदान गरेका रक्त सञ्चार केन्द्र हेटौंडाका प्राविधिक किशोर सापकोटाले जानकारी दिनुभयो ।
यस्तै कार्यक्रममा समितिका अध्यक्ष प्रेम सागर कर्मचार्यको विशिष्ट आतिथ्य रहेको थियो भने हेटौंडा उपमहानगरपालिकाका अध्यक्ष पुर्णमान अर्यालको सभापतित्वमा कार्यक्रम सम्पन्न भएको हो ।
