हेटौंडाः मकवानपुरको हेटौंडा उपमहानगरपालिका–१५ स्थित शिखरपानीमा रक्तदान कार्यक्रम भएको छ । कार्यक्रममा ३२ जनाले रक्तदान गरेका छन् । बुधबार चुरेशिखर कृषि सहकारी संस्था लिमिटेडको आयोजनामा भएको कार्यक्रममा ८ जना महिला र २४ जना पुरुषले रक्तदान गरेका रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभयो ।
संस्थाको १५ औं स्थापना दिवसको अवसरमा रक्तदान कार्यक्रम आयोजना भएको हो । कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो । हेटौंडा उपमहानगरपालिका–१५ का वडा अध्यक्ष सुनिल मोक्तानको प्रमुख आतिथ्य र चुरेशिखर कृषि सहकारी संस्थाका अध्यक्ष गीताप्रसाद दुलालको अध्यक्षतामा कार्यक्रम सम्पन्न भएको हो ।
