हेटौँडाः हेटौँडा–२ निवासी राधा पराजुलीले हेटौँडा–१० स्थित संस्कृत वेद विद्यालयलाई ५० हजार पाँच रुपैयाँमा सहयोग गर्नुभएको छ । जन्मदिनको अवसर पारेर पराजुलीले शुक्रबार ५० हजार पाँच सय रुपैयाँ सहयोग गर्नुभएको हो ।
सामाजिक सुरक्षा कार्यक्रमअन्तर्गत प्राप्त हुने ज्येष्ठ नागरिक भत्ता विद्यालयलाई हस्तान्तरण गरिएको पराजुलीको भनाइ छ । शुक्रबार विद्यालयमै पुगेर पराजुलीले विद्यालय व्यवस्थापन समितिका अध्यक्ष रामकृष्ण थापालाई सहयोग रकम हस्तान्तरण गर्नुभयो । विद्यालयको भौतिक विकास तथा विविध कार्यक्रम सञ्चालन गर्न विद्यालयले अक्षयकोष खडा गरेको छ ।
