हेटौँडाः धादिङ जिल्लाको धुनिवेशी नगरपालिका–९, याकघरमा बसले स्कुटरलाई ठक्कर दिँदा एकजनाको मृत्यु भएको छ । मृत्यु हुनेमा स्कुटर चालक गोर्खा जिल्लाको पालुङटार नगरपालिका–१, खोप्लाङका ३६ वर्षीय राजु लामा रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार त्रिभुवन राजपथमा नुवाकोटबाट काठमाडौंतर्फ जाँदै गरेको बा २ ख ७३६७ नम्बरको बसले सोही दिशातर्फ जाँदै गरेको बा प्र ०२–०३१ प २९१५ नम्बरको स्कुटरलाई ठक्कर दिँदा लामा घाइते भएका थिए । घाइते लामालाई उपचारका लागि काठमाडौंस्थित टिचिङ अस्पताल लगिएकोमा उपचारको क्रममा मृत्यु भएको प्रहरीले जानकारी दिएको छ ।
