हेटौँडाः मकवानपुर जिल्लाको कैलाश गाउँपालिकामा भिरबाट लडेर एकजनाको मृत्यु भएको छ । आइतबार राती कैलाश–७, चाइरङडाँडाबाट करिब दुईसय मिटर तल खस्दा ५० वर्षीय आइतराम चेपाङको मृत्यु भएको मकवानपुर प्रहरीले जनाएको छ ।
कैलाश–७, टुर्डुङग्का चेपाङको कैलाश–३, कालिकाटार बजारबाट घरतर्फ फर्कने क्रममा गोरेटो बाटोबाट तल भिरमा लडेर मृत्यु भएको प्रहरीले जनाएको छ । सोमबार बिहान ११ बजेर ३० मिनेटको समयमा प्रहरी चौकी भार्ताबाट टोली खटी गएको बताइएको छ ।
