हेटौँडाः लागुऔषध गाँजासहित हेटौँडाका पवन गिरी बारा जिल्लाबाट पक्राउ परेका छन् । मंगलबार बिहान ८ बजेर ४५ मिनेटको समयमा बारा जिल्लाको जितपुर–सिमरा उपमहानगरपालिका–७, टेढारोडबाट १० केजी गाँजासहित हेटौँडा–३, बस्तीपुरका २७ वर्षीय गिरीलाई पक्राउ गरिएको बारा प्रहरीले जानकारी दिएको छ ।
टेढारोडदेखि पर्सा जिल्लाको मिलनचोकतर्फ पैदलै जाँदै गरेका गिरीलाई शंका लागी सुरक्षाजाँच गर्ने क्रममा २ वटा झोलामा पाँच–पाँच केजीका दरले १० केजी गाँजा बरामद भएको बारा प्रहरीले जानकारी दिएको छ । प्रहरीले गिरीलाई हिरासतमै राखी आवश्यक अनुसन्धान गरिरहेको जनाएको छ ।
