हेटौँडाः सहीद दिवसको अवसरमा हेटौंडा–५ स्थित सिद्धार्थ शिशु सदनमा वक्तृत्वकला प्रतियोगिता भएको छ । मंगलबार सहीदको सम्झनामा “सहीदको सपना साकार पार्न विद्यार्थीको भूमिका” विषयक वक्तृत्वकला प्रतियोगिता भएको हो ।
वक्तृत्वकलामा आदित्य पराजुली प्रथम, रुशिका लामिछाने द्वितीय, अस्मिता डिम्डुङ तृतीय र पूर्णिमा दुलाल सान्त्वना भएका छन् । प्रतियोगितामा प्रथम, द्वितीय, तृतीय र सान्त्वना हुनेलाई विद्यालयका प्रधानाध्यापक निर्मल पराजुलीले पुरस्कार स्वरुप शैक्षिक सामग्री प्रदान गर्नुभयोे । प्रतियोगितामा ६ कक्षादेखि ९ कक्षासम्मका १२ जना विद्यार्थीको सहभागिता रहेको थियो । कार्यक्रममा विद्यालयका भाइस क्याप्टेन प्रिति यादवको सभाध्यक्षता तथा विद्यालयका प्रधानाध्यापक निर्मल पराजुुलीको प्रमुख आतिथ्य रहेको थियो ।
