हेटौँडाः हेटौँडा–१० स्थित ज्ञानदा माध्यमिक विद्यालयमा अध्ययनरत ४४ जना विद्यार्थीलाई न्यानो कपडा वितरण गरिएको छ । बुधबार विद्यालय व्यवस्थापन समितिका सदस्य तारा राई र ज्ञानदा बृहत अक्षयकोषका आजीवन सदस्य तथा समाजसेवी रमेशध्वज कार्कीले विद्यालयमा उपस्थित भएर ४४ जना विद्यार्थीलाई न्यानो कपडा वितरण गर्नु भएको विद्यालयका प्रधानाध्यापक रमेशप्रसाद सुवेदीले जानकारी दिनुभयो ।
आर्थिक अवस्था कमजोर भएका विद्यार्थीलाई स्वीटर वितरण गरिएको थियो । स्वीटर वितरण कार्यक्रममा विद्यालय व्यवस्थापन समितिका अध्यक्ष पुष्पराम थापा, विद्यालयका शिक्षक तथा कर्मचारीहरुको उपस्थिति रहेको थियो । कक्षा १० सम्म पठनपाठन हुने विद्यालयमा हाल ३ सय ५० जना विद्यार्थी अध्ययनरत छन् ।
