हेटौंडाः मकवानपुरको मनहरी गाउँपालिकामा दिनदिनै जङ्गली हात्तीको आतङ्क बढेको छ । मंगलबार बिहान ६ बजेको समयमा मनहरी गाउँपालिका–७, रमौलीमा जङ्गली हात्तीले ४ वटा घरमा क्षति पुर्याएको जिल्ला प्रहरी कार्यालय मकवानपुरले जानकारी दिएको छ ।
जङ्गली हात्तीको आक्रमणबाट स्थानीय खड्ग बहादुर थिङको काठ र टिनले बनेको भान्साकोठा भत्काएको, भगवती सुवेदीको घरको अगाडिको काठको पाली भत्काएको, अर्जुन दहालको घरको अगाडिको पाली भत्काई १ बोरा धान खाएको र चित्र बहादुर घलानको घरको जस्ता भत्काएको प्रहरीले जानकारी दिएको छ ।
हात्ती आएर क्षति गरेको भन्ने खबर प्राप्त हुनासाथ स्थानीय, नेपाल प्रहरी र पर्सा राष्ट्रिय निकुञ्जबाट नेपाली सेनाको टोलीले हात्तीलाई जङ्गलतर्फ लखेटेको छ । घटनामा मानवीय क्षति भने नभएको प्रहरीले जनाएको छ ।
