हेटौंडाः बारा जिल्लामा बस र ट्रक एक आपसमा ठोक्किएर दुर्घटना हुँदा हेटौंडाका एकजनासहित तीनजनाको मृत्यु भएको छ । बुधबार बिहान २ बजेको समयमा जीतपुर–सिमरा २२ मा रहेको ३ नम्बर पुलमा काँकडभिट्टाबाट काठमाडौँतर्फ जाँदै गरेको बा ३–००१ ख २५८७ नम्बरको बस र हेटौंडाबाट पथलैयातर्फ जाँदै गरेको ना ७ ख ७३०० नम्बरको ट्रक एक आपसमा ठोक्किएको थियो ।
मृत्यु हुनेमा हेटौँडा–३ का ४० वर्षीय हरि शम्सेर सुयाल थापा र नाम थर नखुलेको अन्दाजी ३० वर्षीय एक पुरुष र ट्रक चालक तनहुँ पीपलटार बस्ने २८ वर्षीय पूर्ण गुरूङ रहेको जिल्ला प्रहरी कार्यालय बाराका प्रवक्ता डिएसपी दधिराम न्यौपानेले जानकारी दिनुभयो । बस र ट्रक एक आपसमा ठोकिँदा घाइते भएका २३ जना घाइते भएका थिए । घाइतेहरूको हेटौँडा अस्पताल र पुरानो मेडिकल कलेज चितवनमा उपचार भइरहेको प्रहरीले जनाएको छ । दुर्घटना मृत्यु हुने ३ जनाको हेटौंडा सरकारी अस्पतालमा उपचारको क्रममा मृत्य भएका प्रहरीले जनाएको छ ।
