हेटौंडाः हेटौंडामा मोटरसाइकल दुर्घटनाहुँदा २ जना घाइते भएका छन् । मंगलबार राति ८ बजेको समयमा पूर्व–पश्चिम सडकखण्डअन्तर्गत् हेटौडा–९, गुम्बाचोक नजिक मोटरसाइकल दुर्घटना भएको जिल्ला प्रहरी कार्यालय मकवानपुरले जनाएको छ ।
रातोमाटेबाट हेटौंडातर्फ आउँदै गरेको ना ४५ प ४४७६ नम्बरको मोटरसाइकलले बाटो क्रस गर्दै गरेको पदैलयात्री ३५ वर्षीय पुरुषलाई ठक्कर दिएको थियो । मोटरसाइकलको ठक्करबाट पुरुषको हात, खुट्टा, कम्मरमा चोट लागेको र मोटरसाइकल चालक बाराको कोल्बी–११ बस्ने ५० वर्षीय नागेन्द्र चौधरी पनि घाइते भएका छन् । घाइते दुबैलाई उपचारका लागि हेटौंडा अस्पताल लगिएको प्रहरीले जानकारी दिएको छ ।
