हेटौंडाः मकवानपुर जिल्लाको बकैया गाउँपालिका–११ सिमलट्वाकबाट प्रहरीले भरुवा बन्दुकसहित एकजनालाई पक्राउ गरेको छ । पक्राउ पर्नेमा ३७ वर्षीय सोम बहादुर नेसुर रहेको बागमती प्रदेश प्रहरी कार्यालय हेटौंडाले जानकारी दिएको छ ।
मंगलबार दिउँसो २ बजेको समयमा नेसुरको घरमा भरुवा बन्दुक लुकाई छिपाई राखेको विशेष सूचना प्राप्त भएपछि ईलाका प्रहरी कार्यालय ठिंगनबाट टोली खटिएको थियो । प्रहरीले नेसुरको घरको तलासी गर्दा भरुवा बन्दुक २ (दुई) नालसहित बारुद, छर्रा फेला पारेको जनाएको छ । बरामद गरिएको बन्दुकसहित नेसुरलाई थप अनुसन्धानका लागि मंगलबार राती ८ बजेको समयमा जिल्ला प्रहरी कार्यालय मकवानपुर ल्याइएको प्रहरीले जानकारी दिएको छ ।
