हेटौँडाः नेपाल राहत शिक्षक समिति मकवानपुरको कार्यवाहक अध्यक्षमा शम्भु पराजुलीलाई जिम्मेवारी दिइएको छ । समितिको शनिबार बसेको बैठकले पराजुलीलाई कार्यवाहक जिल्ला अध्यक्षको जिम्मेवारी सर्वसम्मत प्रदान गर्ने निर्णय भएको हो ।
जिल्ला अध्यक्ष जीवन तिमल्सिना नेपाल राहत शिक्षक समिति बागमती प्रदेश कार्यसमितिको अध्यक्ष तथा केन्द्रीय सचिवालय सदस्य रहनुभएको हुँदा कार्यव्यस्तताले जिल्ला कार्यसमिति मकवानपुरको कार्यवाहक अध्यक्षमा जिल्ला कार्यसमितिका सचिव शम्भु पराजुलीलाई जिम्मेवारी दिने निर्णय भएको हो । जिल्ला कार्यसमितिको सचिवमा जिल्ला कार्यसमितिका सचिवालय सदस्य सुदर्शन पौडेललाई र जिल्ला कार्यसमितिको सचिवालय सदस्यमा नेपाल राहत शिक्षक समिति मकवानपुरगढी गाउँपालिकाका सल्लाहकार सदस्य मनकाजी घलानलाई जिम्मेवारी दिने निर्णय सर्वसम्मतरुपमा भएको जीवन तिमल्सिनाले जानकारी दिनुभयो ।
