हेटौंडाः हेटौँडा–काठमाडौं कान्तिलोकपथअन्तर्गत मकवानपुरको भीमफेदी गाउँपालिका–३, प्रतापडाँडामा बस र ट्रक आपसमा ठोक्किएर दुर्घटना हुँदा पाँच जना घाइते भएका छन् । बुधबार दिउँसो १२ बजेको समयमा काठमाडौंबाट हेटौँडातर्फ आउँदै गरेको बा ४ ख ५७८० नम्बरको बस र विपरित दिशाबाट जाँदै गरेको ना ८ ख ६४९९ नम्बरको ट्रक आपसमा ठोक्किएर दुर्घटना भएको हो ।
बस र ट्रक एक आपसमा ठोकिएर दुर्घटना हुँदा ट्रक चालक सर्लाही जिल्लाको बागमती नगरपालिका–१ का २५ वर्षीय नारायण बहादुर रायमाझी घाइते भएका छन् । दुर्घटना हुँदा चालक रायमाझीको दाहिने खुट्टा र टाउकोमा चोट लागेको जनाएको छ । रायमाझीको स्वास्थ्य अवस्था मध्यम रहेको जनाएको छ । रायमाझीलाई उपचारका लागि हेटांँडा अस्पतालमा ल्याइएको छ । यस्तै बसमा सवार चार जना सामान्य चोट लागेर घाइते भएका छन् । प्रहरीले बस चालक नियन्त्रणमा लिएको छ ।
