हेटौँडाः हेटौँडामा आउँदो आइतबार हुन लागेको विद्यालयस्तरीय कविता प्रतियोगितामा उत्कृष्ट १५ जना कविका कविता छनौट भएका छन् । साहित्य संगम मकवानपुरका अध्यक्ष डीबी बर्तौलाले एक सूचना प्रकाशन गर्नुहुँदै ३७ जना कविहरुमध्ये उत्कृष्ट १५ जना कविहरु छनौट भएको जानकारी दिनुभएको हो ।
महाकवि लक्ष्मीप्रसाद देवकोटाको जन्मजयन्तीको अवसरमा आयोजना हुने कविता प्रतियोगिताका लागि अजय बर्तौला, अनुपराज उप्रेती, आयुष्मा भण्डारी, इभानी रानाभाट, कृष्मा लौँडारी, दीपीका लम्साल, निमिपा निरौला, मनस्वी चौलागाईं, रितिका छत्कुली, रेनिशा सापकोटा, विशप आचार्य, सदिक्षा दहाल, सर्जु भण्डारी र सुस्मिता ढुङ्गानालाई छनौट गरिएको अध्यक्ष बर्तौलाले जानकारी दिनुभयो ।
साहित्य संगम मकवानपुर र युगप्रकाश क्लब हेटौंडाको संयुक्त आयोजनामा हुन लागेको प्रतियोगितामा छनौट भएका उत्कृष्ट कविहरुले आउँदो आइतबार त्रिभुवन माविमा कविता बाचन गर्नुपर्ने सूचनामा उल्लेख गरिएको छ ।
प्रतियोगितामा उत्कृष्ट हुने तीन जनालाई दुई हजार रुपैयाँ र प्रोत्साहनस्वरुप एक जनालाई एक हजार रुपैयाँसहित प्रमाण–पत्र प्रदान गरिने छ ।
