हेटौंडाडाः हेटौंडा–१९ तिनताप्केमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा मनहरी गाउँपालिका–३ डोटेका २७ वर्षीय संजिब बल रहेको बागमती प्रदेश प्रहरी कार्यालय हेटौंडाले जानकारी दिएको छ ।
बुधबार बिहान ४ बजेर ५० मिनेटको समयमा पुर्वपश्चिम राजमार्ग अन्तर्गत सिद्धकालिबाट बस्तिपुर आउँदै गरेको बा प्र ०२–०३९ प ७३०५ नम्बरको मोटरसाइकल आफै अनियन्त्रित भई पल्टिएर दुर्घटना हुँदा चालक संजिब र पछाडी सवार ३१ वर्षीय दीपक सिंह बल गम्भिर घाइते भएका थिए । घाइते दुवैजनालाई उपचारका लागि जिल्ला अस्पताल हेटौंडा लगिएकोमा मोटरसाइकल चालक संजिबको उपचारको क्रममा बुधबार बेलुका ८ बजेर ५० मिनेटमा मुत्यु भएको प्रहरीले जनाएको छ । घाइते दीपक उपचार भइरहेको प्रहरीले जनाएको छ ।
