हेटौँडाः रिगल हेटौँडा रिसोर्टका संचालक विनोद भोम्जनले हेटौँडा–१५ स्थित न्यु डाँफे युथ क्लबलाई सहयोग गर्नु भएको छ । संचालक भोम्जनले क्लबलाई मासिक १५ हजार रुपैयाँ, खेल सामग्रीका लागि ५ हजार रुपैयाँ र प्रत्येक ३ महिनामा खेलाडीलाई ड्रेस, बुट, सहयोग गर्नु हुने न्यु डाँफे युथ क्लबका अध्यक्ष आलोक स्याङ्तानले जानकारी दिनुभएको छ ।
क्लबले संचालन गर्दै आइरहेको शिक्षासँगै फुटबल खेल क्षमता अभिवृद्धि कार्यक्रम २०८०/८१ को कार्यक्रमलाई दीर्घकालीन रुपमा संचालन गर्न, एकेडेमीको रुपमा विस्तार गर्नका लागि सामग्री सहयोग गर्न लागेको हो । मकवानपुर जिल्ला फुटबल संघलाई र मकवानपुर ११ फुटबल टिमलाई विगत लामो समयदेखि निरन्तर रुपमा भोम्जनले सहयोग गर्दै आउनुभएको अध्यक्ष स्याङ्तानले बताउनुभएको छ ।
