हेटांैडाः हेटौंडा–३ बुलनटोलमा घरायसी बिवादको कारण बाबु, आमा र भाइलाई कुटपिट गर्ने ५० वर्षीय बद्रिनाथ मैनालीलाई प्रहरीले पक्राउ गरेको छ ।
बुधबार मैनालीले घरायसी बिवादपछि चिरपटले हानेर ७३ वर्षीय बुबा रामजी मैनाली, ६५ वर्षीया आमा माया मैनाली र ४० वर्षीय भाइ केदार मैनालीलाई घाइते बनाएको बागमती प्रदेश प्रहरी कार्यालय हेटौँडाले जानकारी दिएको छ । कुटपिटबाट घाइते तीनै जनालाई उपचारका लागि हेटौंडा अस्पताल लगिएकोमा आमा मायाको अवस्था गम्भीर भई थप उपचारका लागि पुरानो मेडिकल कलेज भरतपुर लगिएको छ । प्रहरीले बद्रिनाथलाई नियन्त्रणमा लिएको छ ।
