हेटौंडाः आज मंगलबार र भोलि बुधबार दुइदिन कक्षा १२ को ग्रेडवृद्धि मौका परीक्षा हुँदैछ । मौका परीक्षामा सहभागी हुन मकवानपुर जिल्लाका १ हजार ९ सय ४१ जना विद्यार्थीले आवेदन दिएका राष्ट्रिय परीक्षा बोर्डको हेटौँडास्थित कार्यालयका अधिकृत जयप्रकाश प्रताप कुसुवाहले जानकारी दिनुभएको छ ।
परीक्षाका लागि हेटौँडा–२ स्थित मकवानपुर बहुमुखी क्याम्पस र सिद्धार्थ माध्यमिक विद्यालय, हेटौँडा–४ स्थित आधुनिक राष्ट्रिय माध्यमिक विद्यालय र हेटौंडा क्याम्पसमा परीक्षाकेन्द्र निर्धारण गरिएको छ । परीक्षा बिहान ११ बजेबाट शुरु हुनेछ । पहिलो दिन अनिवार्य विषय अंग्रेजी र दुईवटा विषय लागेका विद्यार्थी सहभागी हुनेछन् । दोस्रो दिन ठूला कोड भएका विषयको परीक्षा हुनेछ ।
