हेटौँडाः हेटौँडा–१४, ड्राइभरडाँडामा मानव कंकाल भेटिएको छ । शुक्रबार दिउँसो ३ बजेको समयमा मानव कंकाल फेला परेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
कंकाल कसको हो भनी पहिचान हुन नसकेको प्रवक्ता कार्कीले बताउनुभयो । शुक्रबार दिउँसो कंकाल भेटिएको भन्ने खवर प्राप्त हुनासाथ अस्थायी प्रहरी पोष्ट मयुरधापबाट प्रहरी हबल्दार राम बहादुर थापा मगरको कमाण्डमा टोली खटेर घटनास्थल सुरक्षित राखेको थियो ।
