हेटौँडाः शनिबार हेटौँडामा क्रिकेट एसोसिएसन अफ नेपाल (क्यान) का कार्यवाहक सचिव दुर्गाराज पाठकमाथि मोबिल छ्याप्ने दुईजनालाई मकवानपुर प्रहरीले पक्राउ गरेको छ । आइतबार दिउँसो उनीहरुलाई पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिनुभएको छ ।
मकवानपुर क्रिकेट संघको साधारणसभामा सहभागी हुन हेटौँडा आउनुभएका पाठक माथि ३ जनाको समूहमा आएर हेटौँडा–४ स्थित क्वीक–२० होटलमा खाना खाइरहेको समयमा मोबिल छ्यापेका थिए । पक्राउ पर्ने हेटौँडा–१३, वनस्पतीका प्रिन्स भनिने बलवीर लामा र हेटौँडा–१९, बस्तीपुरका विशाल गुरागाई रहेका छन् । एकजना अझै फरार छन् ।
पाठकमाथि दुव्र्यवहार गर्नेलाई कारवाही गर्न भन्दै पाठकले जिल्ला प्रहरी कार्यालयमा उजुरी दिनुभएको थियो । यस्तै मकवानपुर क्रिकेट संघले पनि पाठकमाथि दुव्र्यवहार गर्नेलाई कारवाही गर्न भनी प्रहरीमा उजुरी दिएको छ ।
