हेटौंडाः मकवानपुरको भिमफेदी गाउँपालिका–२, भैंसेमा पहिरोमा परी एक प्रहरीको मृत्यु भएको छ । मृत्यु हुनेमा मकवानपुर जिल्ला प्रहरी कार्यालयमा दरबन्दी भई हाल भैंसेमा कार्यरत प्रहरी जवान रहेका छन् । उनी जाजरकोट जिल्लाको शिवालय नगरपालिका–८, का २२ वर्षीय कृती बहादुर नेपाली रहेको प्रहरी चौकी भैंसेले जानकारी दिएको छ ।
बिहिबार भैंसे चेकपोष्टमा डिउटीमा खटिएका नेपाली चिप्लिएर लडी सामान्य घाईते भएका थिए । घाइते नेपालीको हेटौंडा अस्पतालमा उपचार गरि फर्कने क्रममा राति ११ बजेर २५ मिनेटको समयमा सुख्खा पहिरो खस्दा ढुङ्गाले लागि मोटारसाइकल चालक प्रहरी जवान सुनिल मेचे र पछाडी सवार नेपाली घाइते भएका थिए ।
घाईते नेपाली र मेचेलाई उपचारको लागि हेटौँडा अस्पताल ल्याइएको थियो । उपचारको क्रममा नेपालीको राति १२ बजेर ३० मिनेटको समयमा मृत्यु भएको हो । मोटरसाइकल चालक मेचेको अवस्था भने सामान्य रहेको छ ।
