हेटौंडाः राष्ट्रव्यापी यु–१६ खेलाडी छनौट कार्यक्रमअन्तर्गत् मकवानपुर जिल्लाबाट २८ खेलाडीहरु छनौट भएका छन् । हेटौंडामा रहेको वन विज्ञान अध्ययन संस्थानको खेलमैदानमा भएको पहिलो चरणको छनौटमा परेका खेलाडीहरुले दोस्रो चरणमा प्रदेशस्तरीय छनौटमा सहभागी हुने भएका हुन् ।
बाल खेलाडीहरुको सहभागिता रहेको पहिलो चरणको छनौट कार्यक्रममा जिल्लाभरिबाट एक सय ९२ खेलाडी सहभागी भएका थिए । प्रदेशस्तरीय छनौट साउन ६ देखि १४ गतेसम्म हुने भएको महासचिव छविलाल सुवेदीले बताउनुभयो ।
उहाँले आगामी भदौ १५ देखि २५ गतेसम्म भुटानमा साफ यु–१६ च्याम्पियनसीप हुने र एन्फाले देशव्यापी खुला छनौटको आयोजना गरेको बताउनुभएको हो ।
