हेटौँडाः हेटौँडा–१५, स्थित रातोमाटे चेकपोष्टबाट लागुऔषध सहित प्रहरीले ३ जनालाई पक्राउ गरेको छ । पक्राउ पर्नेमा पर्सा जिल्ला बीरगंज महानगरपालिका–२ राधेमाई बस्ने ३५ वर्षीया किरण देबिना, भारत मतिहारी बस्ने २६ वर्षीया पुनम देवी राम र हेटौँडा–९ बस्ने २७ वर्षीय टेक बहादुर मगर रहेको प्रहरी प्रवत्ता टेक बहादुर कार्कीले जानकारी दिनुभयो ।
बुधबार राती ११ बजेर ३० मिनेटको समयमा बीरगंजबाट हेटौँडा आउदै गरेको ना ५ ख ८६८८ नम्बरको माईक्रोलाई सुरक्षजाँच गर्दा माईक्रोमा सवार किरण र पुनम साथबाट प्रहरीले लागुऔषध फेला पारेको हो । उनिहरुको साथबाट प्रहरीले डाईजेपामा ३५ पिस, फेनार्गन ६६ पिस र नुफिर्न ३४ पिस (१३५ पिस प्रत्येक पिस २ एम एल ) फेला पारेको थियो । लागुऔषध ओसार प्रसारमा संलग्न रहेका टेक बहादुर सहित २ जनालाई नियन्त्रणमा लिई अनुसन्धान भई रहेको प्रहरीले जनाएको छ ।
